Zer da Ulibarri?

Ulibarri programa

Ulibarri ikastetxeen hizkuntza normalkuntzaren gaineko programa da. 1996-1997 ikasturtean ipini zen martxan eta une honetan 400 ikastetxe inguru dira programan parte hartzen ari direnak. ULIBARRI programan sartutako ikastetxeek euskararen erabilera eta kalitatea indartzeko egiten dituzten ahaleginak berariaz babestuko ditu Hezkuntza Sailak. Ahal den neurrian, horrezaz gainera, euskararen erabilera zabaldu eta sendotzeko ekimenak baloratzeko irizpideetan lehentasuna emango zaie ikastetxe horiei. ULIBARRI programako ikastetxeen hizkuntza normalkuntzako proiektuek euskararen erabilera indartzea dutenez helburu nagusi, programan sartu nahi duten ikastetxeek, hortaz, beren hizkuntza normalkuntzako proiektua eratu beharko dute.

BERRITZEGUNEETAKO AHOLKULARIEN

Lotura Interesgarriak

Azken albisteak

Xapoketan, ARGIAren karta joko berria bertako animaliak ezagutzeko

  1. 2019.11.19
  2. B01 HNA

Bertako animaliak ezagutzeko jolasa atera du ARGIAk: Xapoketan. Euskal Herriko zazpi lurraldeetan topatuko ditugun zazpi ekosistema desberdin identifikatzeko aukera emango digu. Eta lagunduko digu ezagutzen egunero gure ondoan ditugun 42 bizidun hauen itxura eta izenak, euskarazkoa eta izen zientifikoa. Zeren, nork ez daki jirafa baten ezaugarriak banan bana esaten? Nork ez daki hartza zuria nolakoa den? Urtetan ikasi dugu beste lurraldeetako animalia exotiko hauek nolakoak diren, baina ahaztu ditugu gure alboan ditugun asko. Nork ezagutzen ditu dupont hegatxabala, hoplia urdina edo arrabioa?

Zer hoberik jolastuz ikastea baino.

Etxean zein eskolan erabiltzeko moduko karta-jokoa da. Karta horiekin bost jolas ezberdin egin ahalko ditugu, eta animalia hauei buruzko azalpenak ere emango dizkigute fitxek. Familia jolasa azalduko dugu segidan: Euskal Herriko lurralde bakoitzeko ekosistema bat aurkeztuko digute kartek. Bizkaiko hareatza eta padura, Gipuzkoako goi larreak, Lapurdiko itsasoa eta itsalabarra, Nafarroa Behereko basoa, Zuberoako landa eremua, Nafarroako basamortua eta Arabako sastrakadi mediterraneoa. Ez al da ekosistemaz ere anitza eta ederra Euskal Herria? Ekosistema bateko “familia” osatzea izango da jolas honen helburua, eta horretarako bildu beharko ditu ekosistema horretako sei animalia zehatz: ugaztun, anfibio, narrasti, hegazti, arrain eta ornogabe bana.
Iñaki Sanz-Azkue biologoak hautatu ditu Euskal Herriko lurralde bakoitzeko ekosistema zehatzak eta hauetako animaliak. Eñaut Aiartzaguenak marrazki eder bezain errealistak egin ditu. Eta Lore Erriondo Pedagogian doktore eta EHUko irakasleak landu ditu edukiak emateko modua eta jolasen dinamika, jokalariek ahalik gehien ikasteko modua zainduz.

15 euroren truke erosi ahal da ARGIAko azokan.

Informazio iturria

Arantxa Urretabizkaiak jasoko du Anton Abbadia saria

  1. 2019.11.15
  2. B01 HNA

Arantxa Urretabizkaiak 2019ko Anton Abbadia saria jasoko du, abenduaren 2an jasoko du saria, Euskararen Nazioarteko Egunaren bezperan, Gipuzkoako Foru Aldundian. Euskararen normalizazioaren alde egindako lana aitortuko diote idazleari;  euskararen biziberritze prozesuari ekarpena egiten dioten pertsona zein erakundeak aitortzen dira sari horren bidez eta, modu horretan, herritarren ahalegin isila onetsi eta etorkizunerako eredugarri izan daitezkeen jokabideak sustatu nahi izaten ditu erakundeak.
Informazio iturriak:
Berria
Gipuzkoa.eus

Itunpeko ikastetxeak. Ikasturteko Plana

  1. 2019.11.12
  2. B01 HNA

Azaroaren 15a Ikasturteko Plana igotzeko azken eguna dela gogorarazten dizuegu.

Tramitazio gunea, HEMENTXE.

Bernardo Atxagak Espainiako Letra Saria jasoko du, bere literatur ibilbideagatik

  1. 2019.11.12
  2. B01 HNA

Ainhoa Sarasolak berriari buruzko idatzi duen artikulua: "Bernardo Atxaga idazleak jasoko du aurtengo Espainiako Letren Sari Nazionala. Idazle baten obraren osotasunari egiten dio aitortza sari horrek, eta Espainiako Kultura Ministerioak banatzen du. Gaur bildu da sari horren epaimahaia, eta Atxaga saritzea erabaki duela jakinarazi du.

Epaimahaiaren iritziz, "euskararen eta gazteleraren modernizazioari eta nazioarteko proiekzioari ekarpen funtsezkoa" egin dio Atxagak. "Poesiaz blaitutako narratiba baten bidez" egin du hori idazleak, "zeinetan errealitatea eta fikzioa distiraz konbinatu dituen".

Joseba Irazu Garmendiaren goitizena da Bernardo Atxaga. Asteasun (Gipuzkoa) 1951. urtean jaioa, Ekonomia Zientzietan lizentziatu zen Bilboko Unibertsitatean, eta, hainbat lanbidetan aritu ostean, idazle langintzan erabat murgildu zen 1980ko hamarkadan. Genero guztietan aritu da ordutik, hala nola narrazioan, eleberrigintzan, poesian, antzerkian, saiakeran nahiz haur literaturan, eta bere liburuak 34 hizkuntzatara itzuli dituzte. Euskaltzain oso da 2006tik, baita Jakiundeko kidea ere, 2010etik.

1970eko urteetan publikatu zituen bere lehen ipuinak, tartean, Borobila eta puntua (1972), eta garai hartakoa du Etiopia (1978) poesia liburua ere. Haien ondotik iritsi ziren Sugeak txoriari begiratzen dionean (1984) eta Bi anai (1985) lanak, besteak beste. Sona gehien, baina, Obabakoak (1988) nobelarekin iritsi zitzaion. 26 hizkuntzatara itzulia, Euskadi Saria, Espainiako Narratiba Saria eta Kritikaren Saria irabazi zituen idazleak lan horri esker, eta European Literary Award sarian finalista izan zen. Ez zen hura izan, ordea, saririk ekarri zion lan bakarra. Haren ondotik idazleak publikatutako hainbat liburuk ere jaso dute aitortzarik. Behi euskaldun baten memoriak (1991) nobelagatik, 1994an IBBY International Board on Books for Young People erakundearen ohorezko zerrendara gehitu zuten idazlea.

Gizona bere bakardadean (1993), Zeru horiek (1995), Soinujolearen semea (2003, Grinzane Cavour Saria, Mondello Saria, Times Literary Supplement Translation Prize saria), Zazpi etxe Frantzian (2009) eta Nevadako egunak (2013, Euskadi Saria) eman ditu argitara urteotan, besteak beste. Eta horietatik zenbait zinemara ere eraman dituzte, tartean, Montxo Armendarizek (Obaba, 2005), Aizpea Goenagak (Zeru horiek, 2006), Imanol Rayok (Bi anai, 2011) eta Fernando Bernuesek (Soinujolearen semea, 2018). Saiakeran, berriz, Lekuak (2005) nahiz Markak. Gernika 1937 (2007) plazaratu ditu, besteren artean.

Joan den hilean publikatu zuen bere azken nobela izango dena, Etxeak eta hilobiak, Pamiela argitaletxearen eskutik.

Aitortzarekin batera, 40.000 euroko saria ere jasoko du idazleak".

Berria egunkaria

Argiak dakarrena

 

Argazkia:  MAIALEN ANDRES / FOKU

Wikipedia ikasgelan:irakasleentzako gida praktikoa

  1. 2019.11.04
  2. B01 HNA
IVAP-ek argitaratu duen azken aldizkariak badakar, besteak beste, irakasleontzako artikulu interesgarri bat, Wikipedia ikasgelan:irakasleentzako gida praktikoa.
 
Hau Ander Iturburuk eta Inma Muñoak idatzitako artikulua da.
 
"Wikipedia da gaur egun gehien erabili ohi dugun entziklopedia. Baina informazio-iturri gisa duen nagusitasunaz gain, Wikipediak baditu hezkuntzaren ikuspegitik interesgarriak diren beste zenbait ezaugarri. Horien artean daude, besteak beste,eduki askea edukitzea eta eleanitza izatea. Horrez gain, lankidetzan editatzen den entziklopedia denez, editore gisa parte-hartzeko hainbat modu eskaintzen ditu: Internetera sarbidea duen edonork osatu, egokitu edota zuzendu ditzake bertan dauden artikulu nahiz irudiak,eta edozeinek sortu ditzake artikulu eta irudi berriak.
Hezkuntzan gabiltzanontzat begi-bistakoa da editore lanetan aritzeak aukera paregabea eskaintzen duela gure gazteek garatu beharreko hainbat konpetentzia nahiz trebetasun lantzeko. Hala nola:
Pentsamendu kritikoa eta ikertzeko trebetasunak.
Idazteko trebetasunak.
Lankidetzarako trebetasunak.
IKT konpetentziak.
Bide horretan sakontzeko asmoz elkartu gara Ikastolen Elkartea eta Euskal Wikilarien Kultur Elkartea, eta elkarlan horren ondorio da Wikipedia ikasgelan:gida praktikoa1
Gidaren helburua da Wikipediaren edizioa ikasgelan landunahi duten irakasleei laguntza eta zenbait proposamen didaktiko eskaintzea."