Zer da Ulibarri?

Ulibarri programa

Ulibarri ikastetxeen hizkuntza normalkuntzaren gaineko programa da. 1996-1997 ikasturtean ipini zen martxan eta une honetan 400 ikastetxe inguru dira programan parte hartzen ari direnak. ULIBARRI programan sartutako ikastetxeek euskararen erabilera eta kalitatea indartzeko egiten dituzten ahaleginak berariaz babestuko ditu Hezkuntza Sailak. Ahal den neurrian, horrezaz gainera, euskararen erabilera zabaldu eta sendotzeko ekimenak baloratzeko irizpideetan lehentasuna emango zaie ikastetxe horiei. ULIBARRI programako ikastetxeen hizkuntza normalkuntzako proiektuek euskararen erabilera indartzea dutenez helburu nagusi, programan sartu nahi duten ikastetxeek, hortaz, beren hizkuntza normalkuntzako proiektua eratu beharko dute.

BERRITZEGUNEETAKO AHOLKULARIEN

Lotura Interesgarriak

Azken albisteak

‘Papergabe’, ‘friki’ eta ‘zurito’ hitzak erantsi dira Euskaltzaindiaren Hiztegian

  1. 2019.07.11
  2. B01 HNA

"Hiztegia sarean eguneratu du Euskaltzaindiak: azken sei hilabeteotan, 312 sarrera eta 85 azpisarrera berri arautu ditu; alegia, 397 forma berri.
Orain arte ez bezala, sarrera batetik beste baterako loturetan estekak ezarri dira hiztegi osoan, zuzenean -klik baten bidez- aipatutako sarrera horretara joateko.

Euskaltzaindiak 397 forma berri arautu ditu azken sei hilabeteotan, eta moldaketa zein berrikuntza guztiak hiztegiari erantsi dizkio. Euskaltzaindiak etengabe osatzen eta berrikusten du hiztegia, eta urtean bitan sareratzen ditu berrikuntzak. 2016an, bigarren argitalpena paperean atera zenetik eguneratzen du urtean bitan, eta 2019ko lehena da gaur sareratu dena.

Honela, azken sei hilabeteotan, 312 sarrera eta 85 azpisarrera berri arautu ditu Euskararen Akademiak; alegia, 397 forma berri. Horiez gain, beste 465 forma moldatu ditu. Egun, beraz, 39.188 sarrera eta 7.388 azpisarrera (hau da, 46.576 forma) eta 64.210 adiera ditu Euskaltzaindiaren Hiztegiak.


Forma berriak erantsi dira Hiztegian, gaurko corpusetan erabilera-maiztasun handikoak eta, beraz, gizartearen isla direnak. Hemen adibide batzuk:

gaixo(-)agirieta sendagiri, baina, horiekin batera, baja eta alta
baxo (Ipar., Frantziako estatuan, bigarren hezkuntza ikasketak amaitu ondoren, unibertsitaterako sarbidea ematen duen azterketa; azterketa hori gainditzeak ematen duen ikasketa-maila)
behe-maila edo lagunarteko hitzak, Hegoaldean lekua hartu dutenak: flipatu, friki
janari-edariak: curry, sushi, tofu, pintxo, zurito
migrante, papergabe
intersexual, transgenero
Pertsona-izendegi berriak ekarri duen izendapen berria: epizeno. Gainera, hainbat formatan definizioak moldatu edo osatu dira (brebeta, bazar, kongresu...), adierak gehitu dira (ezkontza, gorriak ikusi...), adibideak gehitu edo moldatu (zaintza, zirku...), loturak (berme, entzungor egin...) eta marka osagarriren bat gehitu (funtzionalismo, hutsarte...), etab. Eta azpisarrera gisa jasoa zegoen barazki-jalesarrera izatera pasatu da, barazkijale forman.

Orain arte ez bezala, sarrera batetik beste baterako loturetan estekak ezarri dira hiztegi osoan, zuzenean, klik baten bidez, aipatutako sarrera horretara joateko. Adibidez, hiztegian baxo kontsulta eginda, bi sarrera erakutsiko dizkigu hiztegiak. Lehenengoan “ik. selektibitate” daukagu eta, horren gainean klik eginda, zuzenean selektibitate sarrerara eramango gaitu."
Aldaketa guztiak 

.EUS domeinuak gizartean errotuta beteko ditu 5 urte

  1. 2019.07.04
  2. B01 HNA

Beti gure artean egon dela dirudi, baina ekainaren 28an bete dira 5 urte lehenbiziko .EUS webguneak sareratu zirenetik. 2014ko ekainaren 28a egun historikoa izan zen euskararentzat eta euskal kulturarentzat ingurune digitalean.

Urteurrenaren harira, San Mamesko metro-geltokian kokatutako errealitate areagotuko instalazioan elkartu dira Iñaki Goirizelaia Ordorika, PuntuEUS Fundazioko lehendakaria; Josu Waliño Pizarro, PuntuEUS Fundazioko zuzendaria; Lorea Bilbao Ibarra, Euskara eta Kulturako foru-diputatua; eta Eneko Arruebarrena, Metro Bilbaoko kudeatzailea.

Prentsaurrekoko adierazpenetan, lorpen hura abiapuntua baino ez zen zela izan azaldu du Iñaki Goirizelaiak, “2014ko abenduan, .EUS domeinuaren irekiera orokorra egin genuenean, zerotik abiatu ginen. Domeinua lortua genuen, baina proiektuak bideragarritasunik edukiko ote zuen galdetzen genion gure buruari. Gaur egun, 10.000 domeinu lortzear gauden honetan, proiektua bideragarria dela erakutsi dugu, baita egonkorra ere. Ezagunak gara eta konfiantza transmititzen dugu”.

Bost urteko ibilbide honetan, .EUS domeinuak euskal gizartean errotu eta zabaltzea erdietsi du; urratsez urrats, domeinua sendotzen joan da, eta 10.000 domeinuko langa gainditzetik gertu dago.

Normalizazio-prozesu honetan, urrats bat gehiago emateko unea iritsi da; horregatik, .EUS domeinuak prezio berria izango du aurrerantzean, prezio egonkorra. Lortutako domeinu-kopuruak ahalbidetu du .EUS ere Interneteko gainerako domeinuentzat ohikoa den prezioan finkatzea, bai domeinu berria erosten dutenentzat, bai eta lehendik dutenentzat ere. Aurrerantzean, .EUS domeinua 19 eurotik hasita erosi ahalko da, eta prezio horretan berritu ahalko da hurrengo urteetan ere, .EUSen normalizazioaren adierazgarri.

Josu Waliñok azaldu duenez .EUS domeinuak prezio berean balio handiagoa ematen du: “Prezioa jaitsi arren, .EUSek balio handiagoa eskaintzen jarraituko du. Beste domeinuek eskaintzen ez dituzten onurak emango dizkie aurrerantzean ere erabiltzaileei, hala nola, nortasun propioa, gertutasuna —arazoen aurrean laguntza eskainiz—, eta segurtasun gehigarria, Basque Cybersecurity Centerrekin dugun lankidetzaren bidez. Kanpainan diogun moduan, prezio txikiagoan balio handiagoa eskaintzen du .EUSek”.

Errealitate areagotua metroan
Urteurreneko ekintzen artean, alde batetik, errealitate areagotuko instalazio bat jarri dugu Bilboko metroko San Mamesko geltokian, Bizkaiko Foru Aldundiarekin lankidetzan. Euskarak sarean ere konektatzen gaituela irudikatzen du, .EUS oinarri hartuta konexio digitalak sortuz. Era berean, .EUS domeinuaren balioak transmititzen ditu: erronken aurrean ausarta eta egiteko moduetan eta emaitzetan berritzailea. LED pantaila erraldoi bat ezarri da San Mameseko intermodalean, eta kamera eta proiekzioen bitartez erabiltzaileekin interakzioa sortzen da.

Ekintza honek esperientzia bat eskaintzen du, pertsonak ditu protagonista, eta, parte- hartzeaz gain, interakzio fisiko eta birtuala sustatzen ditu aldi berean, baita partekatzea ere. Instalazioa berariaz diseinatu eta programatu du Logela enpresa bizkaitarrak, euskaratik eta euskaraz. Metro Bilbaoren erabiltzaileak esperientzia berri eta bakar baten protagonista izango dira, euskaraz baino aurkituko ez dutena.

Informazio iturria: .EUS

Prest_Gara 2019/2020 ikasturterako ikastaroen eskaintza

  1. 2019.06.11
  2. B01 HNA

"Hezkuntza, Unibertsitate eta Ikerketa Sailak baimendutako Unibertsitatez kanpoko ikastetxeetarako irakasleei zuzenduriko Prest_Gara 19/20 programako eskaintzaren baitan 18 ikastaro UEUren eskutik jaso ditzakezu.

Prest_Garan izena emateko lehen epealdia ekainaren 3an zabaldu da. Lehen epealdi honetan izena emateko azken data ekainaren 14an amaitzen da, adi beraz interesatuok!

Izena emateko Hezkuntza Saileko aplikaziora jo behar da: IRAKASLEGUNE ataria

Jarraian UEUk antolaturiko ikastaroen inguruko informazioa duzu.

1. epea: 2019ko iraila eta urrian egingo diren ikastaroak

Izen emateko epea : 2019/06/03- 2019/06/14

760 – Euskararekiko jarreretan eta jokabideetan eragiteko oinarriak eta jarduerak LHn eta DBHn
775 – Sare-sozialak:berdinen arteko tratu onak eta genero berdintasunerako tresna (On-line)
904 – Berba-sarea: eremu formaletan harremanak euskalduntzeko egitasmoa
924 – Hezkidetzan alde busti (On-line)
925 – Hezkuntza afektibo sexuala lantzen Haur, Lehen Hezkuntzan eta Bigarren Hezkuntzan (On-line)
 

2. epea: 2019ko azaroa eta 2020ko maiatza bitartean egingo diren ikastaroak.

Izen emateko epea: 2019/09/09 – 2019/09/27

056 – Hizkuntzen irakaskuntza: ahozko hizkuntza lantzen LHn
153 – Balio etikoak DBHn
154 – Balio etikoak DBHn
155 – BHko tutoretza eskola inklusiboan
162 – Hezkidetzara sarrera STEAM diziplinetan: jakintza, zientzia eta bizitza
163 – Hizkuntzen irakaskuntza: ahozko hizkuntza lantzen DBHn
164 – Hizkuntzen irakaskuntza: ahozko hizkuntza lantzen DBHn
165 – Hizkuntzen irakaskuntza: ahozko hizkuntza lantzen DBHn
171 – STEM bokazioak nola sustatu
172 – Zehar konpetentziak nola landu eta nola ebaluatu
173 – Zehar konpetentziak nola landu eta nola ebaluatu
296 – Ikastetxeko espazioen erabileraren eta antolamenduaren azterketa genero."

UEU webgunea

ZER DA 2DEO?

  1. 2019.06.05
  2. B01 HNA

Hauxe dakar Tabakalerak bere webgunean: "2deo Tabakalerako ikus-entzunezko laborategia da. Bere helburua euskarazko ikus-entzunezkoen ekoizpena eta kontsumoa handitzea da, sormen testuinguru berriak sustatuz, ekoizpen-eredu eta formatu berrietan esperimentatuz, eta zabalkunde kanalak biderkatuz, betiere sektorea osatzen duten eragileekin elkarlanean eta herritarren partaidetza aktibatuz.

Tabakalera bezalako nazioarteko kultura garaikidearen ekoizpen zentro baten testuinguruan, talentua identifikatzea eta diziplinartekotasuna sustatzeaz gain, ikus-entzunezko sektorearentzako elkargune bikaina izango da laborategia, talentu berriak eta profesionalak elkartuko dituen lekua, gurutzatze honetatik proiektu berriak sortuko direlakoan."

Tabakalera

 

Berriak dakarrena ere, hementxe.

"Administrazioko testugintzaren lantegia", Donostian eta Bilbon (online saioak eta aurrez aurrekoak), Patxi Petrirenarekin

  1. 2019.05.30
  2. B01 HNA

Administrazioko testugintzaren lantegi bat antolatu dute, aurrez aurreko bi saioz eta onlineko beste biz osatzekoa, 2018koaren ildo beretik. Zenbait testu aztertuko dira, irakasleak zein lantegikideek proposatuak, eta hiztegiari, joskerari eta fraseologiari dagozkion gaiak landuko, ariketa eta azalpen bidez.

Iazko ikasleek ere har dezakete parte lantegi honetan.

Patxi Petrirena izango da irakaslea.

Lantegia ekainaren 13an hasiko da, eta aurrez aurreko saioak ekainaren 18an eta 25ean izango dira, Donostian, Euskaltzaindiaren egoitzan, eta Bilbon ekainaren 19an eta 26an, Euskararen Etxean. Aurrez aurreko saioa guztiak arratsaldeko 16:00etatik 19:00etara izango dira.

Helburuak

Administrazioko itzulpenetan eta euskaraz sortutako testuetan dauden zailtasunak aztertzea eta irtenbideak kontrastatzea.
Joskerari eta argitasunari dagozkion kontu batzuk ikustea eta zalantzak argitzea.
Lexikoaren eta terminologiaren aldetik egin diren aurrerapenak partekatzea, eta bateratu beharrekoak izan litezkeen kontu batzuk ikustea.
Izena emateko epea: 2019ko maiatzaren 28tik ekainaren 5era, biak barne.

Informazio gehiago eta izen ematea