BERRITZEGUNEETAKO AHOLKULARIEN

Lotura Interesgarriak

Azken albisteak

NOLEGA 2019-20. Justifikazioa

  1. 2020.06.03
  2. B01 HNA

Nolega Deialdi Bateratua ikastetxeetako giroa euskalduntzen laguntzeko dirulaguntza deialdia da. Heldu zaigu jasotako dirulaguntzaren justifikazioa egiteko garaia, ekainaren 15a izango da azken eguna.

Diru-zuriketa egiteko zenbait kontsigna:

  • 2019-20.ikasturtean euskararen erabilera bultzatzeko egindako ekimenei dagozkien fakturak bildu eta ikastetxeko diruzainari eman.

  • Diruzainak eta zuzendariak tramitazio gunera joko dute eta hantxe dagoen Excel dokumentua beteko dute HNATaren laguntzarekin; martxotik aurrera ezin egin ez den guztiaren azalpena adieraziz.

  • Bestelako zalantzarik edo oztoporik balego, Berritzeguneko Normalizazio aholkulariarengana jo.

  • Osatutakoan zuzendariari bidali eta berak igoko du plataformara. Bi tramitazio bide daude, bata herri ikastetxeentzat eta bestea itunpekoentzat:

  1. HERRI IKASTETXEAK: https://educacion.hezkuntza.net/group/deialdiak/nolega-2019
  2. ITUNPEKO IKASTETXEAK: https://www.euskadi.eus/diru_laguntza/2019/nolega/web01-tramite/eu/

Hizkuntza Normalizazioko Ulibarri Programa. Ikasturteko memoria

  1. 2020.06.01
  2. B01 HNA

Ikasturteko plangintzari dagokion memoria entregatzeko hilabetea ekaina izaten da.

Aurten honako bi epetan igoko du ikastetxeko  zuzendariak horretarako propio dagoen plataformara:

  • Itunpeko ikastetxeen entregatzeko data: ekainaren 1etik ekainaren 30era arte.
  • Ikastetxe publikoen entregatzeko data: ekainaren 3tik ekainaren 29ra arte.

Memoria bideratzeko edo tramitatzeko laguntzarik behar izanez gero, Berritzeguneko Normalizazio aholkulariarengana jo, lasai asko.

 

 

48. Udako Ikastaroak 2020 #ElkarEkin

  1. 2020.05.27
  2. B01 HNA

Udako Euskal Unibertsitateak (UEU) udako ikastaroetan izena emateko epea zabaldu berri du.

12 ikastaro eta 5 jardunaldi eskainiko ditu uztailaren 13tik irailaren 4ra bitartean. Eibar, Donostia, Usurbil, Iruñea eta Baionan izango dira.

Aurrez aurreko eskaintza izango da, segurtasun neurri zorrotzak jarraituta.
Ikastaro laburrak: 6-10 ordutakoak.
Talde txikiak osatuko dira, gehienez 10 pertsona.
Prezio berezia: 10,00€ko matrikula prezio bakarra.
 
Informazio guztia: 48. Udako Ikastaroak

Ahozko jarduna eta COVID-19

  1. 2020.05.25
  2. B01 HNA

Dudarik gabe bizi dugun egoerak kaltea eragin diola mintzapraktikari; alde batetik, familia erdaldunetako seme-alaba askori asko murriztu zaie euskaraz aritzeko aukera,eta bestetik, aurrez aurreko eskolarik ez izateak ikasleekin ahozko adierazpena lantzeko parada ere gutxitu da.

Honetan laguntzeko bi berri: 

1. Ahozko adierapenak lantzeko baliabideak: orain hamar bat urte Nafarroako Euskararen Irakaskuntza Zentroak helburu bezala jarri zuela ahozkoaren irakaskuntzari lehentasuna ematea. Ezaguna eta erabat preziatua da helburu honetarako daukaten webgunea

 Horrez gain, COVID-19aren egoeran ahozko hizkuntzak ere bere presentzia izan dezan, irakasleentzako proposamen bat idatzi berri dute.

 Eskerrik asko EIBZ eta Josune Zabala, ahozko adierazpenari zor zaion garrantzia emateagatik.

2. Mintzapraktika sareak boluntarioak behar ditu: ikasleekin hitz egiteko mintzapraktika sare sendoa osatu dute Bilbo Handian; 450 etxe baino gehiagotara heldu dira, baina ekimena oso arrakastatsua izaten ari da eta handitzen ari da eskaera; haurrekin astean pare bat egunetan telefonoz euskaraz arituko diren boluntarioak behar dituzte.

Izena emango duzu?

Nafarroako H.S.

Argia aldizkaria

Zure posta pribatua euskaraz

  1. 2020.05.22
  2. B01 HNA

%100 euskaraz. ni.eus erabat euskaraz den lehen posta zerbitzua da: bezero arreta, web interfazea, laguntza dokumentuak, bezero-gunea, .EUS helbidea, etab.

Informazio gehiagorik nahi izanez gero, jo hona.

 

Argazkia eta informazio iturria