BERRITZEGUNEETAKO AHOLKULARIEN

Lotura Interesgarriak

Azken albisteak

Geroa Euskaratik, bestelako etorkizuna eraikitzeko lema

  1. 2020.06.30
  2. B01 HNA

Azken aste hauetan hainbat bilera egin ditu Kontseiluak bere bazkide eta bestelako euskalgintzako kideekin (Elkar, Elhuyar, Euskal Herriko Ikastolen Elkartea, Sortzen, Bertsozale Elkartea…). 

COVID-19ak eragin dituen kalteak neurtu, eta horiei aurre egiteko urgentziazko neurriak identifikatu ditu Kontseiluak. Guztiak daude jasota Euskal Herriko erakunde publikoei helaraziko zaien dokumentuan, eta nagusienak bildu dira gizarteratu berri duten ‘Geroa Euskaratik’ adierazpenean. 

Informazioa eta argazkia Kontseiluaren webgunetik hartuak.

Gu bai guraso berritsuak

  1. 2020.06.24
  2. B01 HNA

Hizkuntza Politikarako Sailburuordetzatik datozkigun bi albiste:

Alde batetik, “Gu bai guraso berritsuak”. Ebete enpresak diseinatutako baliabidea da, ikasleen familiengan eragiteko. 14 bideo, 14 eskuorri eta irakasleentzako gida bat dira, eta denak Ebeteren web gunean daude, eskuragarri (http://www.ebete.eus/guraso-berritsuak/). Haur eta Lehen hezkuntzako gurasoekiko bileretan erabiltzeko oso aproposak dira, baita beste momentu batzuetarako ere . 

Bestetik, HPS-k abian du euskarazko baliabide digitalak zabaltzeko kanpaina: Gozatu Sarean Euskaraz. 

Lehenengo fase honetan aisialdiarekin eta kirolarekin lotutako eduki eta baliabideak zabalduko dira. Hurrengoetan, berriz, beste baliabide batzuk zabalduko dira (kulturakoak, euskara ikastekoak…). 


Irailera arte iraungo du kanpainak. Lehen faseko eduki sustatuen artean, jokoak eta aplikazioak, ipuinak, esperimentuak, eskulan aukerak, web-serieak... Interneten, software gisa edo aplikazio gisa erabiltzekoak. Dirulaguntzari buruzko argibideak, jarrain daukazuen Internet estekan:
Euskara ingurune digitalean garatzeko dirulaguntzak.

 

Informazio iturriak eta argazkia: Ebete eta HPS

Ulibarri Programan sartzeko edo jarraitzeko deialdiak

  1. 2020.06.11
  2. B01 HNA

 

2020-2021 ikasturtean Ulibarri Programan sartzeko edo jarraitzeko eskaera ekainaren 11tik uztailaren 10era beteko dute,  biak  barne,  bai  herri-ikastetxeek  bai  itunpekoek,  ondoko  Barne Ebazpenean (herri  ikastetxeen  kasurako) eta Aginduan (Itunpekoen kasurako) azaltzen den legez.

 

Tramitazioa egiteko beharrezkoak diren estekak:

 

  • Herri- ikastetxeak:

 

https://educacion.hezkuntza.net/eu/group/deialdiak/ulibarri-2020

 

  • Itunpeko ikastetxeak:

 

https://www.euskadi.eus/y22bopv/eu/bopv2/datos/2020/06/2002269e.shtml

 

Euskara eta Internet

  1. 2020.06.08
  2. B01 HNA

Internet eta Euskara lotzen dituen albiste bi:

Alde batetik, aste honetan jakin dugu Wikipedian Euskara izan dela maiatzean funtsezko artikuluen kalitatean gehien hazi den hizkuntza. 

Igoera honekin, 2 postu egin ditugu gora eta Wikipedia guztien artean 40.a gara. 
Igoera hau posible egin dute Wikilariek eta Huhezi ikasleek lan eta lan ibili baitira; eskerrik asko!

Bestetik, Eusko Jaurlaritzak Euskara ingurune digitalean garatzeko dirulaguntzen deialdia plazaratu berri du. Informazio gehiago, esteka honetan.

Informazio iturriak eta argazkia: Twitter, Sustatu eta  Euskadi.eus

NOLEGA 2019-20. Justifikazioa

  1. 2020.06.03
  2. B01 HNA

Nolega Deialdi Bateratua ikastetxeetako giroa euskalduntzen laguntzeko dirulaguntza deialdia da. Heldu zaigu jasotako dirulaguntzaren justifikazioa egiteko garaia, ekainaren 15a izango da azken eguna.

Diru-zuriketa egiteko zenbait kontsigna:

  • 2019-20.ikasturtean euskararen erabilera bultzatzeko egindako ekimenei dagozkien fakturak bildu eta ikastetxeko diruzainari eman.

  • Diruzainak eta zuzendariak tramitazio gunera joko dute eta hantxe dagoen Excel dokumentua beteko dute HNATaren laguntzarekin; martxotik aurrera ezin egin ez den guztiaren azalpena adieraziz.

  • Bestelako zalantzarik edo oztoporik balego, Berritzeguneko Normalizazio aholkulariarengana jo.

  • Osatutakoan zuzendariari bidali eta berak igoko du plataformara. Bi tramitazio bide daude, bata herri ikastetxeentzat eta bestea itunpekoentzat:

  1. HERRI IKASTETXEAK: https://educacion.hezkuntza.net/group/deialdiak/nolega-2019
  2. ITUNPEKO IKASTETXEAK: https://www.euskadi.eus/diru_laguntza/2019/nolega/web01-tramite/eu/