Zer da Ulibarri?

Ulibarri programa

Ulibarri ikastetxeen hizkuntza normalkuntzaren gaineko programa da. 1996-1997 ikasturtean ipini zen martxan eta une honetan 400 ikastetxe inguru dira programan parte hartzen ari direnak. ULIBARRI programan sartutako ikastetxeek euskararen erabilera eta kalitatea indartzeko egiten dituzten ahaleginak berariaz babestuko ditu Hezkuntza Sailak. Ahal den neurrian, horrezaz gainera, euskararen erabilera zabaldu eta sendotzeko ekimenak baloratzeko irizpideetan lehentasuna emango zaie ikastetxe horiei. ULIBARRI programako ikastetxeen hizkuntza normalkuntzako proiektuek euskararen erabilera indartzea dutenez helburu nagusi, programan sartu nahi duten ikastetxeek, hortaz, beren hizkuntza normalkuntzako proiektua eratu beharko dute.

Lotura Interesgarriak

Azken albisteak

Soziolinguistika klusterra. Udako ikastaroak

  1. 2018-05-02
  2. Pili Ikazuriaga

EHUren uda ikastaroen aurtengo edizioan bi aukera eskainiko ditu Soziolinguistika Klusterrak.

Batetik, uztailaren 4 eta 5ean Barakaldoko Clara Campoamor Kultur Etxean Zer egin ahozko komunikazioa eskolan lantzeko? tailerra izango da. Bertan hizkuntza normalkuntzaren ikuspegitik, ahozko hizkuntza eskolan lantzeko garaian baliagarri gerta daitezkeen egiteko moduak aurkeztu eta esperimentatu nahi dira.
Hala, gai honetan sakontzeko tresnak behar eta nahi dituen irakasle eta zuzendaritzako edota gainerako kideei begira jarrita sortutako proposamena da. soziolinguistika.eus/ahozkotasunaikastaroa

Bestetik, Jendaurrean Erabili proiektuan lantzen denaren ildotik, Jendaurreko euskarazko komunikazioa: praktikatik ikasten ikastaroa eskainiko da Bilboko BIzkaia Aretoan, uztailaren 9 eta 10ean. Komunikazio publikoan euskararen erabilera areagotzeko xedearekin bat egiten duten enpresa, elkarte, eta hedabideen arteko harremanetik eta elkarrekintzatik aurrera urratsak emateko aukerak zabaldu daitezke. Ikuspegi horri erantzuten dio ikastaroak.  soziolinguistika.eus/jendaurreanikastaroa

EHUren uda ikastaroen eskaintza osoa, albisteak eta bestelakoak: www.uik.eus

Microsoft Officeren bertsio berrienarentzat egokitutako euskarazko lehen zuzentzaile automatikoa, Hobelex

  1. 2018-04-24
  2. Pili Ikazuriaga

Microsoft Office 2016rako prestatu du UZEIk Hobelex zuzentzaile ortografikoa eta lexikoa. Euskaltzaindiak martxoan argitaratuko azken arauaren informazioarekin eguneratua dago bertsio berria.

2018-04-18an argitaratua

2014an plazaratu zuen UZEIk Hobelex,

 

Microsoft Office 2016rako prestatu du UZEIk Hobelex zuzentzaile ortografikoa eta lexikoa. Euskaltzaindiak martxoan argitaratuko azken arauaren informazioarekin eguneratua dago bertsio berria.

2018-04-18an argitaratua

2014an plazaratu zuen UZEIk Hobelex euskararako lehen lexiko-zuzentzailea. Geroztik, euskaldun ugarik erabili dute akats ortografikoez gain akats lexikoak ere detektatzen dituen zuzentzailea, sistema eragile eta testu-prozesadore desberdinetarako doan eskaintzen dena.

Orain sarean jarritako bertsioa azken urteotan erabiltzaileek izan duten hutsune bat betetzera dator, ordea: orain arte, Microsoft Office 2013 bertsioa arte zegoen prestatua Hobelex, eta, beraz, Microsoften bulegotika-paketearen bertsio berriagoetan ezin zen instalatu.


Gainera, bertsio horretan erabil daitekeen euskarazko zuzentzaile bakarra da oraingoz Hobelex. Aurrerapauso garrantzitsua da, oraindik orain Word, Excel eta beste programa ezagun batzuk barne hartzen dituen Microsoft Office delako, seguruenik, bulegotika-paketerik ezagunena jende askorentzat. Osorik irakur dezakezu UZEIren orrian.


 


 


Kaiera. Hezkuntzari buruz egunero

  1. 2018-03-20
  2. Pili Ikazuriaga

Martxoak 17an, martxan jarri zen ADARRAk sustatzen duen hezkuntzari buruzko egunkari digitala.

Bai albiste pozgarria!

Harpidedun izateko, idatzi zure helbide elektronikoa "Egin zaitez Kaierako kide!" atalean, pantailaren eskuinaldean.

Bestela, giza sareetan jarraitzaile egin zaitez.

http://www.kaiera.eus/

Informazio zehatza nahi baduzu, honekin doa Kaiera aurkezpenaren bideoa.
https://www.youtube.com/watch?v=B3QwqYOGSoE

Parte hartu nahi baduzu, jar zaitez kontaktuan Adarrarekin.

Irakurgai mailakatuak

  1. 2018-03-16
  2. Pili Ikazuriaga

HABE IKASBIL webgunean dagoen ataletako bat dugu Irakurgai mailakatuak.

Liburu bakoitzaren euskara maila ezagutzeaz gain, edukiaren laburpena ere badakar. Liburua PDF formatuan eskura dezakezu. Primeran dator edozein mailatako ikaslearentzako.

Hemen duzu lotura.

"Emakumea historian eta emakumeen historia" Wikipediaren martxoko lehiaketa

  1. 2018-03-06
  2. Pili Ikazuriaga

Urtarrilean Afrikako Historia izan genuen gurean; otsailean euskal musikari egin diogu tartea… eta martxoan badator “Emakumea historian eta emakumeen historia” lehiaketa euskarazko Wikipediara. 1.000 artikulutik gora lantzeko aukera egongo da, historian garrantzia izan duten hainbat emakume zein emakumeen historia lantzen dutenak. Lau sari izango dira oraingoan, gaiari lotutako euskarazko entseguak. Parte hartzeko aukera duzu https://eu.wikipedia.org/wiki/Atari:Hezkuntza/Lehiaketak/2018/03 helbidean. Arrakastatsuak izan dira aurreko bi lehiaketak. Urtarrilean ia 1.000.000 karaktere gehitu genituen Afrikari buruz, eta otsailean 550.000 karakteretik gora gehitu ditugu Euskal Herriko musikari buruz. Martxoa emakumeen hilabetea izango da, dinamika berbera erabiliz: artikulu sorta bat eskaini eta horien inguruan gehien idatzi eta erreferentzia gehien jartzen dituztenek puntuak pilatuko dituzte.

Irakurri osorik